馮盈盈今日出席《果欄中的江湖大嫂》宣傳活動，劇集今個星期就會進入結局週，今次喺劇中飾演暴力女嘅盈盈，表示最後五集每一晚都有高潮位，仲預告自己個角色會更加暴力。盈盈暴力女角色深入民心，唔單單係令到平日街坊見到佢時，都要迴避一下，盈盈笑言：「身邊同事而家見到我第一句已經係：「『唔好打我唔好鬧我』不過佢哋都係講笑咁講，其實我好斯文㗎。」不過講到尾盈盈「不良少女」形象已經根深蒂固喺大家心中。 第一次演戲就受到大家注意，盈盈以喜出望外嚟形容，當然網上世界討論一定有讚亦有彈，盈盈都有留意，仲話會虛心接受。但估唔到最早嘅批評，並非來自網上，而係來自佢嘅屋企人：「媽媽話呢個位演得唔好，男朋友話呢個字讀錯咗，因為打晒底，所以見到網上批評都已經冇好難受咁樣。」 不過問到俾男朋友彈會唔會感到好唔開心，盈盈就話：「佢又唔係全部都彈我嘅，佢都有讚我有啲位演得好自然，平時都唔見佢睇開劇，而家一有時間就睇，佢算有心啦。」盈盈講到呢到面上已經流露出一副幸福模樣，睇嚟佢男朋友咁留意佢已經係一種好大鼓勵。
馮盈盈演技受批評！男朋友冇安慰仲踩多腳？ - YouTube |
| 0 Likes | 0 Dislikes |
| 306 views views | 4,945 followers |
| People & Blogs | Upload TimePublished on 8 Apr 2018 |
Không có nhận xét nào:
Đăng nhận xét